Hvað gera Berlínur?
Berlínur bjóða upp á leiðsögn á Íslensku um Berlín. Boðið er upp á yfirlitsferðir um margbrotna sögu Berlínar sem og sérhæfðari ferðir um sérstök tímabil í sögu borgarinnar. Berlínur sjá einnig um að skipuleggja endurmenntunarferðir, skemmtiferðir og allt þar á milli.
Hverjar eru Berlínur?
Margrét Rós Harðardóttir og Katrín Árnadóttir stofnuðu leiðsögufyrirtækið Berlínur árið 2014. Anna Þorbjörg Jónasdóttir kom inn í fyrirtækið 2016 sem eigandi og er það nú rekið af þeim Margréti Rós. Saman sjá þær um að búa til ferðir, útbúa dagskrár til handa hópum og sjá um samskipti við viðskiptavini.
Smám saman hefur Berlínuhópurinn stækkað í samræmi við aukin umsvif fyrirtækisins.
Margrét Rós Harðardóttir, fæddist 1979 í Vestmannaeyjum. Hún útskrifaðist frá Listaháskóla Íslands 2003 og frá Hochschule für Künste í Bremen 2008. Margrét Rós hefur áralanga reynslu af því að vinna með börnum og fullorðnum. Einstakur áhugi hennar á mat og þekking hennar á þýskri menningu sem og brennandi áhugi hennar á að koma vitneskju sinni á framfæri gerir hana að lifandi, faglegum og skemmtilegum fararstjóra.
Anna Þorbjörg Jónasdóttir, er fædd 1979 á Akureyri og uppalin á Brekkunni. Eftir Menntaskóla lá leiðin til Danmerkur en síðan aftur til Íslands þar sem hún lauk BA prófi í stjórnmálafræði við Háskóla Íslands 2004. Árið 2006 lauk hún meistaragráðu í alþjóðastjórnmálum við Uppsala háskóla í Svíþjóð. Eftir það bjó hún í Reykjavík og starfaði hjá Reykjavíkurborg þar til hún fluttist til Berlínar árið 2010. Þar hefur hún búið síðan fyrir utan árin 2021-2022 þegar hún dvaldi aftur í sínum gamla heimabæ Akureyri þar sem hún starfaði sem fréttamaður RÚV á Norðurlandi
Jóhannes Erlingsson, er fæddur árið 1984 og kemur frá Eyrarbakka. Árið 2014 fluttist hann til Berlínar til þessa að læra Sound Engeneering & Music Pruduction. Árið 2016 lauk hann Dioploma námi hjá SAE Institute, 2019 lauk hann Bachelor námi hjá Catalyst Music (áður dBS Music Berlin) og 2021 lauk hann Masters námi, einnig hjá Catalyst Music. Jóhannes hefur verið Berlína síðan 2018.
Hinrik Þór Svavarsson
Eftir margra ára reglubundnar heimsóknir til borgarinnar flutti hann loksins búferlum til Berlínar árið 2015, borgarinnar sem hann hafði heillast svo að. Hinrik hefur marga fjöruna sopið í lífinu og unnið við allt á milli himins og jarðar, allt frá uppskipun til pylsusölu í Bæjarins bestu, til leikstjórnar í leikhúsi. Hinrik er útskrifaður sviðshöfundur frá leiklistardeild LHÍ. Hann gekk til liðs við Berlínur vorið 2016 og er því einn reynslumesti fararstjóri Berlína.
Hinrik myndi segja að hans uppáhaldssaga í borginni sé saga skiptingar Þýskalands í austur og vestur.
Árný Fjóla Ásmundsdóttir
Sveitastúlka frá Skeiðum fædd 1991. Fluttist til Berlínar 2014 í leit að fjölbreyttari menningu og listsköpun. Hún flutti með manni sínum Daða Frey og hefur síðan þá eignast tvær dætur sem báðar er fæddar í Berlín. Fjölskyldu og listalíf einkennir daglegt amstur Árnýjar en hún hefur einnig brennandi áhuga á mannfræði og náttúru sem kristallast í þeirri grænu fjölmenningarborg sem Berlín er.
Sylvía Hlynsdóttir
Eftir að lifa og hrærast í tónlist á uppvaxtarárum sínum á Akranesi, flutti Sylvía til Reykjavíkur og hóf nám í Háskóla Íslands og Tónlistarskóla FÍH. Þaðan lá svo leiðin í tónleikaferðalag um heiminn sem trompetleikari fyrir Björk Guðmundsdóttur í tæp tvö ár.
Þaðan lá leiðin til Amsterdam í frekara tónlistarnám við Conservatorium van Amsterdam þar sem hún bjó í níu ár.
Þaðan lá leiðin til Berlínar þar sem Sylvía hefur sest að ásamt kólumbískum eiginmanni og hundinum Kulda.
Fyrir utan störf sín fyrir Berlínur stundar Sylvía fjarnám við Háskólann á Bifröst í heimspeki, hagfræði og stjórnmálafræði.
Vilhjálmur Skúli Vilhjálmsson / Villi
Fæddur 1992 í Reykjavík og elst þar upp. Árið 2016 fluttist hann til berlínar að læra Sound Engeneering & Music Pruduction. 2019 lauk hann Bachelor námi hjá SAE Institute.
Vilhjálmur er einnig tónlistarmaður og spilar á nánast hvaða hljóðfæri sem hann fær í hendurnar, þó aðalega píanó, gítar og synthesizera (Svuntuþeysara) ;)
Hann lætur sig ekki vanta á skógazer, harðkjarna rokk og framúrstefnu jazz tónleika í bænum.
Villi hefur verið að starfa við kvikmyndahljóð, á og úr setti við bíómyndir og auglýsingar síðan að námi loknu. Hann hefur alltaf haft mikinn áhuga á sögu þar sem áhugi hans kviknaði á fornri sögu Grikkja og Egypta á yngri árum inn í sögu Rómarveldis í seinni tíð og loks þýskri sögu.
Kristinn Guðmundsson
fæddist árið 1984 í Keflavík. Fljótlega eftir að hann komst á fullorðinsár flutti hann til Kaupmannahafnar til að læra ljósmyndun. Eftir tvö ár þar hélt hann til Amsterdam í nám við listaháskólann Gerrit Rietveld Academie.
Eftir útskrift elti Kristinn ástina til Brussel, þar sem hann hefur búið síðan. Árið 2016 lauk hann meistaraprófi í myndlist og skrifaði og skaut þá fyrstu SOÐ-seríuna. Síðan þá hefur hann helgað sig því að grúska í mat og menningu.
Matur, stemning og hin fullkomna upplifun eru rauði þráðurinn í lífi og listsköpun Kristins. Hann hefur einstakan áhuga á að spjalla við fólk og deila reynslu sinni af Brussel – borginni sem hann kallar nú heimili sitt.
Kristjana Helgadóttir, er fædd 1972 og er flautuleikari í nútímatónlistarhópnum sínum Adapter sem frá stofnun 2004 hefur haft aðsetur í Berlín. Hún lærði flautuleik í Mosfellsbæ þar sem hún bjó frá 10 ára aldri, svo í Reykjavík og framhaldsnámið var tekið í Amsterdam. Kristjana nýtur þess að lifa og starfa við það sem henni finnst skemmtilegt í heimsborginni Berlín.
Ragnheiður Eyjólfsdóttir er Berlínan í München. Hún er fædd 1984 í Reykjavík og uppalin í Vesturbænum - fyrir utan nokkur ár sem hún bjó í Danmörku með foreldrum sínum. Ragnheiður útskrifaðist úr Menntaskólanum í Reykjavík en skellti sér svo í Listaháskólann og lauk BA námi í arkitektúr árið 2008. Þaðan lá leiðin til Aarhus í Danmörku en þar lauk hún framhaldsnámi í arkitektúr árið 2012.
Lífið kemur sífellt á óvart en frá árinu 2012 býr Ragnheiður með íslensku fjölskyldunni sinni í München. Upphaflega var áætlunin að vera þar í 3-4 ár en þau eru nú orðin mun fleiri - og verða enn fleiri.
Ragnheiður er margverðlaunaður rithöfundur og skrifar fyrir íslenska ungmennamarkaðinn en milli þess sem hún skrifar og plottar kynnir hún München fyrir landanum.
Berlínur Íslensk Leiðsögn
Berlinur, 2022 © All rights reserved.
Designed by Erlis Zarishta, MOR Design
Skoðunarferðir
Um okkur
Hafa samband
Impressum
Privacy Policy
Berlinur, 2022 © All rights reserved.
Designed by Erlis Zarishta, MOR Design